قصيدة في جميع قبائل السعودية الي ما يدخل يفوته ثلاثة ارباع عمره.
 

هذه قصيدة في قبائل السعودية .

هي صحيح طويلة لكن رووووووووعة

انشاء الله تعجبكم .. الله الله بالردود الطيبة ما اوصيكم .!!

يالله ياخالـق اراضيـن وابحـار **** الواحـد المعـبـود رازق عبـيـده

الخالق الغفار علام الاسرار **** وفرق شعـوب الارض فـي كـل يـده

وابدي واسولف من عذيبات الاشعار **** ابيات شعـر والمعانـي وكيـده

اشري وابيع واعرف كيف بختار **** واختار من جزل البيـوت الفريـده

وذ كرتراث وعز وامجـاد وافخـار **** قبائـل تومـن بديـن وعقيـده

وصلت حضارتنا على سطح الاقمار **** ابنـا الجزيـر والجزيـره مجيـده

في ظل حكام لهم فعل واشوار **** ال السعـود اللـي تفـك الضهيـده

نسل الزعيم الحاكم العـادل البـار **** مجـدد امجـاد الجزيـره بجيـده

حتى اصبحت حره وحنا له انصار **** في ظل اخو نوره هنـوف سعيـده

وصارت لابو تركي بطوله وتذكار **** والفخر والامجـاد تبقـى شهيـده

وخلف لنا املوك لهم فعل واخبار **** الشعب واحـد والقيـاده رشيـده

والامن بانينه على ساس وجدار **** وقرو على العابـث عقوبـه شديـده

وحنا حماة الدار من كل غدار **** ومـا همنـا بطشـه وخبثـه وكيـده

قبائل مالحقناهـم اوعـار **** وعشنـا بهـذي الـدار عيشـه رغيـده

والحمد لله نحمده سر واجهار **** شعـب تكاتـف مـن سنيـن مديـده

ودون الوطن جيش على كل معبار **** لارفرف البيـرق ونـادى عقيـده

بشرق البلاد وغربها دوم حضار **** وارض الشمال اللي نفـوده مديـده

وارض الجنوب اللي تخيضر بالاشجار **** جزيرة فيهـا القبايـل عديـده

ارض بها قحطان وافين الاشبـار **** وياعـز منهـم بالشدايـد بسيـده

واذكر عتيبه يوم للطيب مغوار **** لا ثـارت الهيجـا وقـرب ضديـده

وشمر هل الطولات والجود مقدار **** اهل الكرم واهل الفعول الحميـده

وقوم اعنزه مروين الاخصام الامرار **** اولاد وايل من عصـور عهيـده

ومطير قوم تكرم الضيف لا زرار **** وياويل خصم في حراهـم وعيـده

واذكر قبيلة حرب يانعم الاخيار **** وتاريخهـم يحكـي سطـور مجيـده

وسبيع نعم القوم ووجيه الاسفار **** زبن الدخيل ليا زبـن مـن طريـده

واذكر قبيلة يام والطيب ينـدار **** اهـل العلـوم الوافيـه والرشيـده

ثم الدواسر تجعل الخصم منهـار **** عيـال زايـد عـز منهـم سنيـده

ثم السهول اللي لها الطيب مدرار **** وعن منهج العادات ماهـي محيـده

ثم اذكر العجمان حمايـة الجـار **** والمرجلـه والجـاه فيهـم عتيـده

واذكر بني مره طويلين الاعمـار **** مـا ينقـد المـري ولا لـه نقيـده

ثم الهواجر لابة تقدح النار **** اهـل الركـاب اللـي خطاهـا بعيـده

واذكر بني خالد قبيلة وامار **** قوم لهـم فـي المجـد قـول ورصيـده

وبني تميم اللي لها الطيب مصـدار **** بنـي تميـم وكـل فعـل تجيـده

ثم الزعوب اللي بها الخصم يحتار **** شجعـان ماترضـى سـوا ماتريـده

العازمي وافي وفي الطيب بيطار **** روحه على كـل المصاعـب صميـده

ثم الظفيري في المصاعيب جبار **** والطيب والامـداح باصلـه وطيـده

ثم اذكر الاشراف بجلال واكبار **** اهل الحجاز اللـي تفـك الزهيـده

ثم الهذيلي له مواقف ومندار **** راعي الفخر راعـي العلـوم السديـده

ثم البقوم اللي لهم جيش وامهار **** ريف الضيـوف ليـا لفاهـم وليـده

واذكر ثقيف اللي لهم مجد وآثار **** ومهما حسبنـا مـن كـلام نعيـده

وبلحارث اهل العز بشهود واقرار **** ا لحارثي ياطيـب فعلـه وجيـده

والمالكي معروف لا صار ما صار **** في موقف اهل الطيب يبذل جهيـده

واثني تحياتي عدد وبل الامطار **** علـى سليـم وكـل خصـم تكيـده

واذكر جهينه هل مواقيف وادوار **** تلقى الجهيني راسم الطيـب بيـده

واذكر بلي والمجدله فعل واظهار **** وتاريخهـم يحكـي فعـول فريـده

وبني عطيه في المواجيب حضـار **** قـوم بوقـت الجـد قـوم عنيـده

ثم الحويطي والكرامه له اشعار **** ثـم الشـراري لـه فعـول مفيـده

ثم الرشيدي في الصعيبات صبار **** على علـوم الطيـب فعلـه يزيـده

وباقي جنوب الدار والقاف مادار **** باقي على قلبـي كـلام واشيـده

زهران نعم القوم في وقت الاضرار **** والخصم عينه من لقاهـا سهيـده

والغامدي معروف له عزم واصرار **** راعي المراجـل والعلـوم المفيـده

وشمران قوم والجمايل لها اطوار **** وبلقـرن سـم للقلـوب النكيـده

والاكلبي والمحلفـي مابعـد بـار **** والحارثـي طيبـه وفعلـه يشيـده

وبني شهر وبني عمر سيف بتار **** قـوم علـى الاخصـام نـار وقيـده

والاسمري والاحمري صيتهم سار **** بيـن القبايـل والمواقـف شهيـده

واذكر عسير الهول ذربين الاذكار **** وابها احتموها فالسنيـن الشديـده

وادهم والصيعر على حد الاقطار **** يحمون حد الدار من اللـي يريـده

وامشي مع الساحل مع جمله افكـار **** رسمتهـا والطيـر زان اتغريـده

وانزل على جيزان تاريخ واديار **** ورجـال فيفـا والقبايـل عديـده

وارجوا العذر واهل المواجيب عذار **** الي نسيته مانذكر فـي القصيـده

الواهبي عدد ابيوته بـالادوار **** مـن شاعـر ماشـل قلبـه حقيـده

شهران ربعي هم هل المدح والكار **** واهل الكند واهل السيوف الجديده

يوم البلد مايامن الزند لاثار **** زيزومنـا ابـن مشيـط نعـم الوليـده

فالجهل شجعان وفي السلم تجار **** مـن بطـن بيشـه للتهـم لارفيـده

حبيت ابين موقفي بين شعار **** وارجوا سموحتكـم علـى ذا النشيـده

ماحب انافق واتعنصر تعنصار **** ولا ني باطيع اهـل العقـول البليـده

ما كل من طب البحر قيل بحار **** وما كل من شل الفشق جاب صيـده

فالشعر بستـان بـه ورد وازهـار **** واللـي تعداهـا بيوتـه فقيـده

واقولها في الشعر تكرار وامرار **** ضرف بـلا عنـوان يلغـى بريـده

وبعض السوالف له مواقف ومحضار**** وشعر بـلا معنـى لـزوم نبيـده

وصلوا على المرسول شفاع الابرار**** محمـد الهـادي وقـدوة عبيـد

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

بـدون شـكـ كـلمـات جميلـه .. وأبيات رائـعه في كل المـقـاييس ..

سلـمت يـداكـ أخي وسلمـت أناملـك على ماكـتبت من كلمـات تستحق الثـنـاء ..

ودمـت بهـذا الإبـداع أبو شميس

تـواصل مميـز بخطـى ثـابتـه ..

لكـ إحترامي ..


وسلامتك..

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

يعطيك العافيه بس دوي أسألك هذي القصيده من نظمك وأذا كانت من نظمك صح لسانك
وأذا كانت من شاعر أخر صح لسانه وتسلم على أبو شميس

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

يسلمووووووووووو

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

السلام عليكم ورحمة الله وبركاته
ابو شميس
كلك ذوق يا ابو الذوق اخيارك موفق للكلمات الرقيقه دمت بود وحب
الروك

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

يسلمو أخوووووووي الرووووووووك

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

صح لسانك يابو شميس
والله الفخر كله لاهل السعوديه

في ظل حكامنا الله يعزهم ويحفظهم
بصراحه ابداع
ولاتحرمنا من جديدك

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

يسلمووو اخوووووووي مرجوج

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

يسلمووووو اختي شمعة الحب

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

سلم لسانك وماقصرت ابو شميس والعز لديار ابو متعب ديار اهل الشيم وديااار الخيير وكل ماقوول و فعل قبايل السعوديه وزينها كلهم وقوم عنزه مروين الاخصام الامرار .............. اولاد وايل من عصوورعهيده سلم لسانك ابو شميس وماقصرت ذيـــــ(الوايليه)ـــــــــــــــب

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

أبو شميس

قصيدة روعة

تشكر عالمجهود المميز

تحياتي

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

الســــــلام عـلــيكم ورحمة الله وبركاته
أخـــي000أبــو شـمـيـس00

وحنا حماة الدار من كل غدار **** ومـا همنـا بطشـه وخبثـه وكيـده

قبائل مالحقناهـم اوعـار **** وعشنـا بهـذي الـدار عيشـه رغيـده

والحمد لله نحمده سر واجهار **** شعـب تكاتـف مـن سنيـن مديـده

ودون الوطن جيش على كل معبار **** لارفرف البيـرق ونـادى عقيـده

بشرق البلاد وغربها دوم حضار **** وارض الشمال اللي نفـوده مديـده

وارض الجنوب اللي تخيضر بالاشجار **** جزيرة فيهـا القبايـل عديـده

ارض بها قحطان وافين الاشبـار **** وياعـز منهـم بالشدايـد بسيـده

( أنا أشــــــــهـد00000)

حبيت ابين موقفي بين شعار **** وارجوا سموحتكـم علـى ذا النشيـده

ماحب انافق واتعنصر تعنصار **** ولا ني باطيع اهـل العقـول البليـده

ما كل من طب البحر قيل بحار **** وما كل من شل الفشق جاب صيـده

فالشعر بستـان بـه ورد وازهـار **** واللـي تعداهـا بيوتـه فقيـده

واقولها في الشعر تكرار وامرار **** ضرف بـلا عنـوان يلغـى بريـده

وبعض السوالف له مواقف ومحضار**** وشعر بـلا معنـى لـزوم نبيـده

الله يسعـد ك0000ويوفـقـك00
وصـــــــــــــــــح لســــــــــــانك00

ولا تبـخـــــل000ترانا طــماعين000

العـســـــــــــــــــــــــــــــــيري00

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

صح لــــــــسانك

ومشكور على القصـــــيده

وبأنتظار جديدك

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

صح لسانك ... كلمات جدا رائعه
وارجوا العذر واهل المواجيب عذار **** الي نسيته مانذكر فـي القصيـده
تمنيت اسم قبيلتنا يذكر بقصيدتك الشلملة اللي ما نسيت احد فيها
وهي قيسله معروف بمحافظة الاسياح وتنسب إلى (( عين ابن فهيد ))
اظن عرفة اسم القبيلة؟؟؟ صح
شكرا

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

][][§¤°^°¤§][][السلام عليكم ورحمة الللة وبركاتة][][§¤°^°¤§][][



امـــــا التوحـــــيد فأوهمـــــت نفســـــي بـــــقولي
يـــسرُ فـــــلا تحمـــــلي نفســـــك هــمـــوماً ثقالا

كـــــذبةٌ كـــــذبت بـــــهـــــا علـــــــــى نفســـــي
فصدمــتُ عندمـــــا رأيته واصبحـــــتُ حطامـــــا

فــــقلـــــتُ لا صحـــــبه لك بالحـــــديـــــث فإنـــــه
ايســـــر المـــــواد واسهـــــلها حفـــــظاً واستنتاجا

فقـــــمـــــتُ بحفظـــ الـــــرواه جميـــــعهـــــم
وجعلــــــــــتهم بنفـــــس الـــــسنه أمـــــواتـــــا

فغـــــضبت علـــــى نفســـــي وقلـــــتُ لـــــها
هـــــذه الجغرافيـــــا لا مـــــفر ولا هـــــوانـــــا

فبـــــمجرد نظـــــرةً الـــــى الكـــــتاب صعقتُ
فجلعت اليابان من حدود مصـــــر والـــــسودان


ابو شميس


يعطيك العافيه على نقللك


رائعه في حضورك


دام وجودك في ساحه البوح


وصح لسااااان قايلتها


ودائما في انتظار اطلالتك


تحياتي العطرة


[moveo=left]غلاااا روحي[/moveo]

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.
 

[a7la1=#FFCCFF]صـح لـسـانـك ولـسـان قـايـلـهـا

وفديت جهينه والعتبان وكل القبايل

مشاركه مميزه [/a7la1]
[motr]تـحـيـاتــي لـك [/motr]

مشاركة: قصيدة في جميع قبائل السعودية الي ما يدخل يفوته ثلاثة ارباع عمره.