|
مشاركة: عمق القلوب....قصة واقعية
مشكورة.............. بانتظار تكملة القصة
|
مشاركة: عمق القلوب....قصة واقعية
بنوتة ابوهااااااااااا
جاااااااااااااااد عيوووووووووون الريم الحلووووووووووووه تسلموووووووون على متابعتكم وانشالله راح اكمل باقي الاجزاء تحياتي لكم : البريئة :cool: |
مشاركة: عمق القلوب....قصة واقعية
رندا والدموع متجمعه في عينها وتتكلم بإستهزاء:هههههه ضحكتني
رامي بصدمه:رنداااا ايش بك ايش صار فيكي ليه تكلميني كدا اقولك انا احبك تتريقي عليا رندا وهيا توقف:لاااانك واحد فاااضي وجي يتسلى على فكره انا مخطوووبه وزواجي بعد كم شهررر فوفر على نفسك دا الكلام الفاضي رامي وهوا يتجرأ ويمسك يدها بكل قوته ويتكلم بعصبيه:انتي محا تكوني لأحد غيري انتي فاهمه رندا والدمووع تخونها وتنزل على خدها:سيب يدي لو سمحت رامي وقلبه متقطع:حرررام عليكي يارندا حرام والله انا احبك لاتكوني لواحد غيري رندا وهيا تفك يدها منه:بعد عنــي احسن لك رامي بغضب وصريخ:والله مااااااااااتكوني لوااااااحد غيري انتي فااااااهمممممه رندا راحت تجري من عنده وهيا تبكـي..وقعد رامي واقف في محله مو مصدق انه هادي اللي كلمها رندا. .كانت هيا أمله الوحيـد وهيا اللي بتساعده عشان تكون له..تسووي فيا كدا لالالالالا ماني مصدق... |
مشاركة: عمق القلوب....قصة واقعية
رندا طلعت على غرفتها تجري ورمت نفسها على سريرها وتبكي...وتمسك يدها اللي كان ماسكها رامي..عورهااا بمسكته وبكلامه القاااسي..كيف يقولها انا احبك وقبل شويه كان يكلم وحده من حبيباته..كيف يسمح لنفسه يخدعها ويتحكم في مصيرها ويقرر انها تكون له بهادي الطريقه..
رندا قعدت تبكي خايفه من كلام رااامي ومن وحشيته لمن قال لها انها محا تكون لواحد غيره..معقووله رامي وحشي كدا ما عمري شفته عصبي كدا...ماعمري حسيته قاااسي كداا.. رامي من قهره طلع من البيت وخرج بسيارته وساقها بكل سرعته كالعاده لمن يكون معصب مايشوف شي قدامه...كان رامي سايق بسررررررعه جنوووونيه وقطع اشارات كثيررررره...وماكان يشوف شيي ..وفجئــــه بدوووون ماينتبــــه صدم بسيااارته في وحده من السيااارت..صدمه قوووووووووووويه خلت سيارته تنقلب اكثر من مررره وتتكسررر وتصير حالتها حااااله.. رندا دق قلبها في لحظه بعنف وحست بالخوف...وقالت بدون ماتحس على نفسها.. رندا:رامـــي في امريكـا.. |
مشاركة: عمق القلوب....قصة واقعية
امجد بعد مارجع من الجامعه..رجع للبيت وهوا يفكر بلمـى ويقول في نفسه ياترى ايش بتسوي اكيد مرتاحه من وجووودي...آآه ياقلبي كل ما افتكر كلامها وانها تكرهني احس نفسي ميت لا محاله..وقف عند الاصنصير((المصعد))وقعد يستناه يوصل..واول ماوصل فتح الباب ودخل ما انتبه للبنت اللي كانت جوته وماهمه شي كان يفكر بلمى وبحبه الكبير لها..
كانت واقفه تشوفه وهوا يدخل الاصنصير وهيا مصدومه..وش اللي جايبه هنا...لاحظت انه ضغط على الدور الثاني..وانصدمت يعني اهو ساكن معايا في نفس العماااره وانا ماادري.. دخل امجد شقته وفكر يتصل على اهله... في جـده السـاعه 1.00 في الليل.. كانت رندا جالسه متردده في غرفتها تبا تروح تقول لمنى على اللي صار معاها..بس تخاف انه منى تلومها لأنها نزلت له..بس هيا ماقدرت تقاوم انها تشوف ايش عنده من المره اللي فاتت وهوا يبغا يكلمها ..ونزلت عشان تشوف اللي عنده ويااارييييتها مانزلت..كانت رندا جالسه وقلبها مقبووض تحس انه فيه شي صاير بس هدت نفسها وتقول يمكن اللي بيصير لها من كلام رامي وان شاء الله مافي شي.. دق التلفوون جمب رندا..ورندا استغربت مين اللي يتصل عليهم في دا الوقت.. رندا:الوووو ....:رندااا يابنتي فين ابووكي؟؟ رندا:عمووو جمال خير شو فيك؟؟ ابورامي بصوت تعبان:رااامي يابنتي سوى حادث وهوا دحين في المستشفى كلمي ابوكي واخوكي خلووهم يجوني ماني قادر اتصرف لوحدي |
مشاركة: عمق القلوب....قصة واقعية
رندا بصدمه:راااامي سوى حااادث متى؟؟
ابو رامي:بعد العشا وانا دوبي قبل شويه اتصلت على جوال رامي عشان اطمئن عليه لأنه اتأخر ورد عليا واحد شرطي يقولولي انه سوى حادث والحادث مره كبيرررر((ابو رامي وهوا يبكي لأول مره))رااااامي بيررووووح يارندااااا بيروووووووح رندا قلبها عورها وحست انها هيا السبب:خلاص ولايهمك ياعمي دحين اكلم بابا وخالد يجووك بس انتا في ايت مستشفى؟؟ ابورامي:مستشفى الالماني رندا:طيب يلا مع السلامه وراحت رندا تجري لغرفة ابوها بس افتكرت انه نايم وخافت تصحيه وراحت لغرفة خالد اول تخبره وهوا يتصرف.. رندا:خاااالد خااالد قوووم بليييييز خالد وهوا نايم مو داري عن شي:هممممم رندا:قووووووم بسرعه بليزز خلووود خالد وهوا يفتح عينه بصعوبه:نعم رنوودي ايش عندك؟ رندا وهيا تبكي:ررااامي سوى حادث قوووم عموو جمال يبغاك تروح له خالد وهوا يوقف على حيله:رامي سوى حادث متى وليه؟؟ رندا:ماااا ادري قووووم شوف ايش الموضوع خالد:لاتقولي لأبويا شي انا رايح مو لازم يعرف بعدين ينفجع ويلا اطعلي بره خليني اغير ملابسي رندا وهيا تبكي:خالد ابغا اروح معاك خالد:فين تروحي معايا انتي مجنونه يااالله اطعلي بره خليني اغير ملابسي رندا:لاااا خالد بليزززز ابغا اروح معاك |
مشاركة: عمق القلوب....قصة واقعية
خالد بتذمر:اففف طيب طيب بس اطلعي خليني اغير ملابسي
راحت رندا لغرفتها ولبست عبايتها بسرعه وراحت قالت لكاكي انها تروح لقسم خالد عشان تقعد مع محمد تنتبه له اذا صحي وراحت هيا مع خالد للمستشفى.. وصلوو خالد ورندا للمستشفى .. رندا كانت طول الطريق تبكي وحالتها حاله..خايفه لايكون صار شي في رامي وتكون هيا السبب..وقعدت تقول في نفسها انا السبب انا السبب كله مني كان مره معصب وزعلااان..ياااااااارب ياااارب احفظه وخلييييييييييه يارب انا بموووت لو صار فيه شييييي.. وصلوو للمستشفى وسألوا عن رامي وقالو لهم انه في قسم الطوارئ وانه الحادث كان مره كبيررر..ورامي كانت حالته صعبه وبالقوه طلعوه من السياره لانها اتكسرت تكسير.. راحو خالد ورندا للمكان اللي قالوا لهم عليه..وشافووا ابو رامي واقف وملامح وجهه تبين معاناته..كيف لاورامي ولده الوحيـد وماعنده احد يسواه.. خالد:سلام عليكم ابورامي بصوت مبحوح:وعليكم السلام خالد:ها عمي بشر كيفه رامي ابورامي والدموع في عينه:آآآه ياخالد راامي بيموووووت حالته صعبه مررره رندا كان قلبها يعورها كل مايقول ابورامي انه رامي بيموت..قعدت تفتكر كيف كان شكله وهوا يقولها محا تكوني لأحد غيري..تفتكر شكله وهوا يقولها احبـك افتكرت كلامه وصوته المتعذب وهو يكلمها..ووبدأت تبكــي..ابورامي حس بعذاب رندا فراح لجهتها واخذها في حضنها..حس انها محتاجه له وهو محتاج لأحد ياخده في حضنه اكثر منها.. |
مشاركة: عمق القلوب....قصة واقعية
*&*الجزء الثالث والاربعون*&*
خالد بعد مارجع البيت ورجع غرفته..قعد يفكر في منـال وفي اللي غيرته في حياته بوجودها.. خالد في نفسه آآآه ياربي انا لازم اتخذ قرار اللي بيصير معايا خطأ وانا لازم امحيه مستحيل اسمح لنفسي اني افكر في وحده غير نهال مستحيلللل..انا لازم احط حد لوجود هالمنال في حياتي..وقف خالد على حاله وهوا تعبان من التفكير في منال اللي سلبت كل تفكيره وخلته يوصل لمرحلة الاشتياق والوله.. في الجهه التانيه من جـده.. مي:رووودي قلبي سيب البنت ابغا اكلها رائد بإبتسامه حلوه:ياقلبووووووووووووووووو عليكي قمررررر وربي قممممر مي:رووودي مايصير تدلع في البنت قد كدا رائد وهوا يطالع فيها بخبث:هاااا ميويه تغاااري اعترفي مي وهيا تدفه بيدها:روووح عني قال ايش اغار انا اغار من هادي المفعووسه..وتطالع في بنتها اللي كانت تبتسم لها.. مي بفرح وهيا تشوف ابتسامة بنتها:يالبووووووووووووووو عليهااا لا والله بنتي قمر الله يحفظها ويخليها لنا رائد وهيا يبوس جوانا على خدها:شفتي قلت لك انك تغاري منها عشنها احلى منك مي:هههههههههههههههههههههه وليه ياسلم من فينا هيا جايبه الجمال مو والحلى موو كله منــي رائد قرب راسه منها وقلها في اذنها بصوت واطي:مو انااا مووو ذااااابحني ومتعب قلبي الا دا الحـلـى امممووواه اموووووووت فيكي مي وهيا تبعد عنه وخدودها محمره من اللي قاله:رااااااائد استحي على وجهك الاولاد هنا رائد:هههههههههههههههههههههههههههههههه مي:والله محد بيخرب اولادي الا انتا احمد وهوا يدخل في النص كالعاده:باباااا لاتزعل ماما تلى((ترى))بعدين ما احبك |
مشاركة: عمق القلوب....قصة واقعية
رائد:ههههههههههههههههههه والله انتا يبغالك فرررش روووح روووح اللعب مع اخوك بلاي ستيشن
احمد بزعل:فهد مايحليني اللعب معاه بس يحلي جوانا الدبه عشنه يحبها وانا مايحبني مي:لاحبيبي هوا يحبك بس عشان جوانا صغيره وهوا يبغا يعلمها احمد وهوا يوقف:لالا فهد مايحبني وانتو كمان ماتحبوووني..وراح يجري وهوا يبكي.. انصــدمت مي من كلام ولـدها وقامت بسرعه ولحقتـه..وقعد رائد في محله مستغرب.. مي وهيا تشوف احمد يجلس في ركن غرفته ويبكي:حبيبي حموودي احمد وهوا يرفع راسه:نعم مي:ايش بك؟ احمد:انااا زعلااان منكم كلكم عسان كلكم ماتلعبوا معايا ومحد يحبني فهد بس يحب جوانا الدبه وانتي كل سويه قاعده مع جوانا وبابا لمن يجي مايبوثني بس يبوث جوانا اما انا لااااء محد يسويلي سي..ورخا راسه وقعد يبكـي.. مي اتبسمت فهمت سبب تغير احمد كل هادي الايام احمد يغار من جوانا ومقهور من اهتمام كل العيله بيها..فكرت مي بطريقه حلوه تخلي فيها احمد يحب اخته ومايغار فيها ولمعت فكره في بالها وبدأت تقولها.. مي:حبيبي احمد... مي وهيا تمسح على راسه:ممكن تقعد في عبـي؟؟ احمد يرفع راسها ويشوف ابتسامتها الحنونه فيقرر يسمع كلامها..قام وراح جلس في عبها.. مي وهيا تمسكه وتمسد عليه:حبيبي انتا رجال صح؟؟ احمد وهوا يهز راسه بالايجاب:ايوووه انا رجاااال مي وهيا تبوسه:طيب تعرف حبيبي انك اول كنت زي جوانا كدا صغيرر وماتقدر تمشي لازم احنا نشيلك ونأكلك ونسوي لك كل شي احمد:ايووه اعرف كلنا كنا صغار انتي قلتي لي كدا ااوووول مي وهيا تبتسم:طيب انتا لمن كنت صغير انا كنت اكلك واشيلك والعبك وابوسك واسوي لك كل شي وفهد |
مشاركة: عمق القلوب....قصة واقعية
كمان زيك كلكم كنتو صغار ماتقدروا تسوو شي بنفسكم دحين جوانا مسكييينه زيك وبعدين بعد وقت طويل تكبر وتصير بنت كبيرره وتسوي كل شي بنفسها هيا دحين لسه مسكينه ماتعرف تسوي شي المفروض انتا تساعدها وتعلمها كل شي هيا نونو ماتعرف شي
احمد كان يستمع بهدوء ومايعلق.. مي وهيا تكمل:انتا لمن كنت صغير ماكنت تعرف تتكلم وفهد مره كان يحبك ويسوي لك كل شي عشان هوا كان لووحده وكان دايماً يطفش ولمن انا جبتك هوا صار مبسوط عشان صار عنده اخوو ممكن يلعب معاه وهوا دايماً كان يقعد يلعب معاك ويعلمك ويساعدك في كل شي تفتكر ولالا احمد وهوا يبتسم بمرح:ايووووه ثح افتكل كان يلعبني كووره في الحوس ويخليني اعرف اسدد قوووول عثان انا ماكنت اعلف مي:طيب ودحين نفس الشي فهد فرحان عشان جاته اخت صغيره يبغا يعلمها ويلعبها زيك عشان تصير كبيره وحلوه انتا ماتبا اختك تكون حلوه زيك احمد:الااااا مي:خلاص طيب المفروض انتا كمان تحبها زينا وتلعبها وتعلمها الاشياء الصح احمد وهوا مبسوط:يعني لمن تكبر جوانا انا اصير احوها الكبير زي فهد كدااا مي وهيا تبتسم:ايووووه صحح شفت كيف انتا بطل وتسمع كلام مامااا احمد بمرح:ايووه انا بطلللللللل مي بنفس الابتسامه الحلوه اللي ماتفارق شفاها:طيب حبيبي انتا المفروض ماتقول الكلام اللي قلته عشان انتا بطل والابطال مايقولو محد يحبني ويروحو يبكوو انتا بطل المفروض ماتبكي احنا كلنا نحبك عشان انتا شاطر تحب اختك وماتزعل لمن احنا نساعدها ونحبها زيك صححح؟؟ احمد:ايووووه حلااص انا شاطر ومحا ازعل مله تانيه مي:طيب يلا قووم روح بوس جوانا وقلها انا احبك احمد وهوا يوقف:طيب..وبالفعل راح احمد يجري لجهة جوانا وباسها وقلها..انا احبـك.. |
| الساعة الآن 08:38 AM |
Powered by vBulletin® Version 3.8.6
Copyright ©2000 - 2010, Jelsoft Enterprises Ltd