فعلك مضارع بس حبك خبر كان [الأرشيف]

ضماي انت

04-10-2004, 09:52 PM

تهددني في الرحيل هددني
مردك لي صديقني
لا تقول البديل اتحداك تبدلني
هو قلب واحد
هو احساس واحد
هو انا وبس انا تعشقني
ولو الف غيري
مردك لي يا طيري
عرفت ليش لأنك انت تحبني
ولا يمكن تخليني

http://heaven1.topcities.com/Graphics2/WHITEBIRDS.gif

توك عرفت الوقت وشلون غدره .!!
توك تجي تحكي وترجي حنيني .!!
مادام طاح الحب وانهز قدره .!!
خليك مع أوجاعك ولا ترتـجــيـني .!!

http://heaven1.topcities.com/Graphics2/WHITEBIRDS.gif

ابشرك جرحك ثمن غلطتي فيك
ولا انت ما تجبري على حبك انسان
اليوم لا بشكي ولا بندم ابكيك
فعلك مضارع بس حبك خبر كان
على نجاح الدور والفلم اهنيك
انا اشهد انك كنت بارع وفنان
حطمت من يهواك دايم ويغليك

http://heaven1.topcities.com/Graphics2/WHITEBIRDS.gif

جيتك من اسبوعين
ذكرتك بموعد القلبين
لكنك نسيت حب السنين
ارسلت لك بوستين
وحده في القلب
والثانيه على الخدين
حبيتك من نظرتين
كرهتك من كلمتين
حبيت غيرك من يومين

http://heaven1.topcities.com/Graphics2/WHITEBIRDS.gif

كم ذبحني الشوق يالغالي
وكم دمع العين هليته
وانت عني لاهي
وقلبك عني صديته

http://heaven1.topcities.com/Graphics2/WHITEBIRDS.gif

لو الرساله تقتل ابعاد وفراق
ارسلت لك في كل لحظه عباره
حبك جريمه والجزاء!!
سجن الاشواق
سجني مؤبد!!
بس صوتك زياره
لكن لي قلب للأحباب تواق
لو غاب محبوبه؟؟
بقى في انتظاره

http://heaven1.topcities.com/Graphics2/WHITEBIRDS.gif

ياحبيبي جعل ربي يخليك
ارفق بقلبي وارحمه ياحياتي
ارحم غريق في غرامك يراعيك
بعدك عذاب وشوف زولك غناتي
بين العرب هواجس القلب تطريك
وماظن ينسى من يسوي سواتي
متعلق قلبي بحبك ويغليك
وعسى غلاكم مايسبب وفاتي

http://heaven1.topcities.com/Graphics2/WHITEBIRDS.gif

في شوفتك
"فرحه"
تنسيني احزاااني
ياللي احبك كثر حب
البشر كله..
حبك طويل ولاادري وين
وداني..
اروح وارجع واعود في
ذرى ظله..
واذا خنتك عسى القبر
يذراني..
وان مادرى خافقك عن
((هالغلا قول له))

http://heaven1.topcities.com/Graphics2/WHITEBIRDS.gif

كنت احسب اني غلاك ودنيتك
ومادريت اني احبك بس قلبك مايبيني
عطيتك عهد انك حياتي وذاتي
وبالتالي الخيانه جزاتي

http://heaven1.topcities.com/Graphics2/WHITEBIRDS.gif

ضاع الوقت واصفالك
تلعب لعبه جديده مع محبوبك..
واذا ودك تتسلى تسلى
بره ديرتك..
بنات العرب ماترضى
تتسلى بأشكالك..
تدري وراهم رجال مو
ياللي خبري وخبرك..

http://heaven1.topcities.com/Graphics2/WHITEBIRDS.gif

بودعكم انا اليوم وداع بشوق نلقاكم..
ولاتجوني بعتب أو لوم انا مااخترت فرقاكم..
انا برضى بهالمقسوم ولكن والله منساكم..
بودعكم وانا ملزوم فمان الله يرعاكم..

http://heaven1.topcities.com/Graphics2/WHITEBIRDS.gif

قال: ياخوفي يدمن القلب ذا فيك
ويصير اشتياقي لك في كل الاوقات
قلت:ابشر ادمنت انا يوم احاكيك
وصرت اخذ بصوتك جرعات وجرعات
لاتحرمني الصوت ربي يخليك
ياويلك من الله اذا ( ضماي ) مات!

http://heaven1.topcities.com/Graphics2/WHITEBIRDS.gif

قلت احبك واثر في حبك نشبت
وش اسوي دامني فيك ابتديت
من هواك ومن غرامك وش كسبت
راح عمري من سبايبك وانتهيت
غير حبك ياحياتي ماطلبت
والمصيبه لا رفضت ولا عطيت..!

http://heaven1.topcities.com/Graphics2/WHITEBIRDS.gif

ماعلي اخلاف اقول اللي ابيه
من فضل ربي علي اني قوي
الا حبك شئ مااقدر عليه
كن حبك ضيف والقلب بدوي
وين رايح جعل هالزول افتديه
وانت خابرني من البعد انكوي
صرت لي مشوار لا جيت ابتديه
ان لقيت الدرب ضيعت الخوي!

http://heaven1.topcities.com/Graphics2/WHITEBIRDS.gif

ماأذكر جرحتك
في حياتي ولا يوم
راجع حساباتك
وعطني دليلك
عمري فدا عمرك
وأنا أقولها دوم
ياقطعةٍ منـي بعيني اشيلك
في عيني انت الناس والحب والقوم
مافيه مثلك لو زعل كل جيلك..!

http://heaven1.topcities.com/Graphics2/WHITEBIRDS.gif

تموت الدمعه في عيني وقلبي يرتجي الرحمه
اشوف ان الامل ضايع واشوف الحزن وياي
واشوف الكون في عيني عذاب عانقه عتمه
لا هانت علي نفسي ولا ابين لحد شكواي
مثل طفل اذا يبكي تقول شفاه يا يمه ,,

http://heaven1.topcities.com/Graphics2/WHITEBIRDS.gif

فيك لايمكن اغير موقفي
انت محبوبي على كل الظروف
ثابت رايي ومهما تختفي
لك مكانه فايقه كل الوصوف
ترجمي يادمعتي له واوصفي
حالتي في الحب مكسور الكفوف
إظهري الخافي لعينه واحلفي
ان عيني غير عينه ماتشوف..!

http://heaven1.topcities.com/Graphics2/WHITEBIRDS.gif

ياشين بعدي عنه والنفس تهواه
مقوى بعاده لي ولا غيب عنها
حبه نشا في خافقي ثار بدماه
اتصير منه الروح ويصير منها
وان قالوا انسى قلت صعب انساه
وغلطات غيري صرت انا ادفع ثمنها

http://heaven1.topcities.com/Graphics2/WHITEBIRDS.gif

ناظرتني بطرفها الساهي ...
وقالت لو تفارقنا أمـــــــوت ..!!!
وأفترقنا ...
لارسايل ... ولا صــــوت ...
وكنت أسأل ,,, دايم أسـأل ... ياترى وش صار فيها ..؟؟؟
قالوا : "" بـخــيــــــر ""
ماعليها صارت أجمل وأبتسمت وقلت هذا اللي أبيه ...
بـــــــس ...
كيف انا صدقتها يوم قالت بــــمـــــوت ..!!!!

http://heaven1.topcities.com/Graphics2/WHITEBIRDS.gif

قضيت مع خلي من الوقت
يومين
بيحت له سدي وهو باح سده
ان قلت له بوسه يناظرني
بطرف عين
بست المباسم ثم قبلت خده
بسته على المبسم تسعن
وتسعين
قال اكمل الميه وتبشر
بوحده

http://heaven1.topcities.com/Graphics2/WHITEBIRDS.gif

عيشة عدوك عيشتي عقب فرقاك
عايش ولكن عيشتي ماتسرك
ظلمتني وتقول حنا ظلمناك !
وأنت الذي كفيت خيرك وشرك
حبل الموده لاقطعته وصلناك
متربع بالقلب لله درك
آمر وحنا من يمينك ليسراك
وتشوف عينك ياشيخ مايسرك.

ابو يحيى

05-10-2004, 11:57 AM

ضماي يبي لي ساعتين لين اقرى كي شي كتبته

ضماي انت

06-10-2004, 12:02 AM

ابو يحي خذ راحتك ههههههههه

والف شكر لتواصلك

اختك

ضماي انت !

أسير الشوق

16-10-2004, 05:44 AM

ضماي أنت

حروف تناثرت تائه بين اسطرها
مشاعر ترسم حزن دفين
بين جنبات الطريق
للتكتب بنزف الجرح الأليم
قرأت ثم قرأت فجعلتيني بحروفك اهيم
ولكن ...
رغم ذلك يظل الأمل مشرقاً
قد لا تعلمي اين ومتى سيبرق
ولكن بالتأكيد هو آت
ضعي السعاده أمامك
وابحثي عنها لأنكِ بالتأكيد تملكيها

سيدتي ضماي أنت

اهلا بكِ وبحروفكِ التي انرتِ بها الأدب والشعر بإبداعك وفنك المتألق
اجدتِ ان ترسمي اللوحات كما اردتِ ان تكون
احيي فيك مشاعرك وقلمك .

ضماي انت

19-10-2004, 03:09 AM

اسير الشوق كما عودتنا دائما بطيبك وكرم اخلاقك ..

كلماتك وردك اعجز احرفي عن الظهور ..

اقف تكريما لحروفك ..

ولاعدمت هالتواجد الرائع

اختك

ضماي انت !

اسيرة الصمت

26-10-2004, 06:37 PM

السلام عليكم

مشكورة اختي ضماي انت والله مشاركة كتير حلووووووووووووووة منك

يسلموووووووووووو ايديك ويعطيك الف عافية

مع التحيـــــــــــــــــــة

فتى الرياض

27-10-2004, 03:17 PM

احب اتنح على المواضيع اللي كذا

جاني النوم من كثر ما قريته
خخخخخخخخخخ

مشكورة شكرا حار كالفلفل الهندي

فتى الرياض bdooory2005@hotmail.com