المساعد الشخصي الرقمي

مشاهدة النسخة كاملة : مسجات حلوة لا تفوتكم

دموع فلسطين
15-12-2005, 02:39 AM
لو يغيب الليل في كف الهجير...
ماتغيب بوسط روحي طلتك ...
إنت وحدك مالك بقلبي نظير لو يغيب الكون تبقي دنيتك
مدري كيف العمر من دونك يصير كل يوم أسال؟
وأكلم صورتك عاشق تاهت به دروب المصير بين قربك وبين نار محبتك



حبيبي بسألك ليه الهوى منك و فيك ليه المشاعر ما تعيش
إلا بساعه شوفتك ليه المحبه و الوفى
و أبيات شعري تهتويك ليه انت و بس اللي أموت في بسمته
تدري لي مرة أقول إني كرهتك ما أبيك
يرجع علي صوت الصدى يقول الله مكبر كذبتك



أنا الذي اقسمت والله ماانساك..
وأنا الذي لجلك بقدر ظروفك،،
ياما حلا نظرة عيوني محياك..
وياما حلا لامن قرينا حروفك،،
ان جيتني قالوا: القمر صار وياك..
وان غبت عزوا الكواكب خسوفك،،



جيتك ولا غيرك ذكرته بممشاى
جيتك وكل انسان غيرك نسيتة
جيتك ونا ماني بتاية الراي
جيتك ونا مدري وش اللي بغيتة
جيتك وقلبي دقتة تسبق خطاى
جيتك اقول :

ماقويت فرقاك




اتحري في زماني ساعتين :
_ ساعة اتصالك
_ وساعة جيتك
واحترق في كل ساعة مرتين :
_ خوفي ينسى
_ او تطول غيبتة
وبس أشوفه تعتريني رجفتين :
_ رجفه الفرح
_ ورجفة هيبتة
مات قلبي يالخلايق موتتين:
_ يوم شفتة
_ ويوم روحي حبتة



سلام يا كاسب غلا كل مغليك
يا مالك زمام المراجل بيمناك الطيب ساسك
والعرب عزهافيك لي ضاعت :
:علوم الرجاجيل تنخاك ربعك وتفتخر بيك وتفتخررر
بطاريك يرحم ابو اللي على الطيب رباك



مني لاعز الناس حلو التراحيب؛؛
مضمونها تقدير من قلب صافي؛؛
سلام ياراعي الوفا والمواجيب؛؛
سلام يازين مع الناس وافي؛؛
لك منزل بين الضلوع المحاديب؛؛
عساك دايم بالوجود متعافي.


هني من عشار من الناس شرواك
في ذمتي يعيش والراس مرفوع
تبقي عزيز وتعجبني مزاياك
يالي بيمناك اجزل الطيب مطبوع
عسى البلاوي والمصايب تعداك
تصيب ناس عنهم الطيب مقطوع


سر يا قلم واكتب من المدح ماطاب
في اللي جزيل المدح يستاهلونه ناس مزايين
الرجافيهم ماخاب فدوه لهم قلبي لو يطلبونه
أكتب لهم شيك مفتوح الحساب
شيك الغلا من رصيد يسحبونه


انت الذي بالقلب سكناك...
وانته ترى احلامي وطموحي....
ماشفت انا مثلك وشرواك....
ولاشفت انا مثلك سموحي...
وابيك تعرف شي عن غلاك...
وارجوك بسري لاتبوحي....
أحبك وأحبك حيل وأفداك...
وأرخص لك الغالي وروحي....



لا يا بعد من زاد بالقلب قده
واصبح غلاه اغلى من الروح ,,للروح
يسرتااااح ,,,صدري
لاوصل منك مرسول
ويضيك .. وسع الكون لا صرت غايب



الروح ولهانه على شوفتك شرواك
وان ما حصل قلنا عليها السلامي
القلب واحد والمشاعر ترجاك
ترجى وصالك قبل دفن العظامي
تبقى رفيق الروح والروح تفداك
ويفداك عمري يارفيق المقامي


مرحبا والطيب ما ننسى مجاله..
للحبايب اللى لهم قدر وقيمه..
مرحبا ترحيبة فيها جزالة...
بالقلوب اللى نواياها سليمة..
ياوريث العود كساب الجماله...
ياعسى الجنه لمن جابك غنيمه..


محد يشق القلب من غير تفكير..
حتى الطبيب يرتجف ثم يحتار!
وانت شقيت الجوف من دون تخدير..
وبنيت قصر بداخل القلب وأنهار!
"وجهة نظر"
كتبتها بصدق تعبير..
وأرسلتها للي بداخل القلب مقدار!


يتبع
***************************
دموع فلسطين
15-12-2005, 02:44 AM
قدرت انساك في وهمي
وفي الواقع تعبت انساك
قدرت انساك في بوحي
وفي صمتي الم ناداك
انا اللي كنت لك وحدك
وضعت اليوم من بعدك
وسط قلبي نقشت اسمك
ووسط عيني غدى رسمك
انا بيدي سقيتك حب
وانا بيدي كسرت الكاس
___________________

مصيره يرد مصيره لاذكر يشتاق
مصيره الود يرده من بعد الفراق
حبيبي وأعرف أطباعه وزعله مايدوم ساعه
عليه ولهان وشوقي له على عيوني الحزينه بان
أنا بلياه جزيره شوق شواطيها بلا عنوان
___________________
أنســــــــــــاك ؟؟؟...
ذبحني قلبي دوم عنك يسأل ...
قلت له أنسى ترى حبه غلطه ولا يمكن أتكرر...
قال شلون أنسى وهو قطعة مني ويمكن أكثر ..
... سكت شوي ....
وقلت له إذا أنت منك قطعة وما قدرت تنسى
شتقول عني اللي كلي له تأسر..
___________________
تبي الصراحه..وش تبي بالصراحه..اكذب عليك
أن قلت لك عايش بخير..لاجتني صدري يزيد انشراحه..
وغيرك علي دنياي نقص ومخاسير..
في ذمتي ما غيرك أرجي سماحه
قول وشتبي وأنا أقول ابشر يصير ...
__________________________

شكيت للناس ومحدن سمع شكواى..
بكيت ومحدن سمع صوتي ..
تعب من كثر جروحي والهموم ..
كنى غريب وانا وسط دارى ..
بس نصيحه للعاشقين لاتشكي ..
حالك على كل من جاك..
بعض البشر يفرح اذا قلت مهموم..
________________________

سامح الله يا جماعه صاحب صد ونساني...
صاحب صد ونساني دون ذنب ولاخطيه..
ماحصل من قصور ولا خذلته في زماني..
كنت أشيله بالحنايا بين ود ومقدريه..
يارفيقي يا رفيقي واضحه كل المعاني..
راجع حسابك وتعرف وش عليك وش عليه..

_______________________

انا الي تمنيتك ترجيتك وناديتك ..
انا الي قلتلك قلبي مثل بيتك ..
.تعب قلبي وخليتك تعب صوتي ومليتك ..
انا اسف اسف اذا في يوم حبيتك ..

________________________

..عفيه على قلبك وعفيه عليك انت ..
..تبي الصراحه؟ زين سويت فيني
..المشكله إني على حبك ادمنت ..
.. وبكل بساطه قلتها ماتبيني..
..عفيه على قلبك وشكرا لا هنت .
تبي الحقيقه !! بإيـدي أعميت عيني ..

_____________________

تسأل علي ياخاين الحب والعشره ...
تبي تشوف حالي بلياك !! ..
هذا انا متوسد الهم والجرح ..
احاول انسى ماضي الحب وانساك ..
جيت ببرود تعتذر تطلب الصلح ..
لك عين تنطق اسمي شفااااك ؟!!
____________________

يوم شلتك في عيوني وغطتك الجفون..
كيف ترضى تجرح العين مع قلبي سوا..
ادري اني لوتركتك عليك امري يهون..
لكن اذكر لوجرحك الزمان اني دوا.
.ومثل مالك عزة تاخذك لاقصى الجنون..
اعرف اني بالكرامه رفيعة المستوا
______________________________

ياشوق تكفي لاتخليه يرتاح..
..ياشوق تكفي داعبه في غيابي..
.خله يحس اني معه وين ماراح..
خله يحس اشلون لذت عذابي..
عطر الفراق اللي بسبب غيبته فااح.
. عطرت به جرحي وباقي ثياابي....
________________

رحلت لاجل ارضيك من دون تجريح..
ماودي اجرح غالي قد هويته..
كنت الحياة الوافية والتباريح..
واصبحت جرح واضح ماخفيته..
وداع ياجرح جرحني وانا اصيح..
تبقى جروحة غالية لو شكيته..
_________________________

يحسب انه بغيابك بذكرك فى كل حزه ..
وأتندم..وأترجى..وأعتذر..وأبوس راسك..
للأسف كنت زقاره تنتهى فى كم مزه ..
وانتهيت وماطفيتك واختنق غيرى وداسك....
____________________

روح مع من فضلته علي الله يهنيك..
روح قبل لا يهل دمع عيني الله يخليك..
الي فيني يكفيني...
وما دام اني هنت عليك.
مع السلامه يا خايني..
الله مع من تحبه يهنيك...
___________________

اضحك والناس تسأل عن سبب ضحكتى
مادرو ان ضحكتى سبب علتى
لانها اكبر غلطتى
ضيعتنى ودمرتنى
هذى اهى دنيتى
دنيا حرمتنى من عطاها
ويوم عطتنى منتنى
ليتنى ماطلبت عطاها
ولا ذليت نفسى
ماهمنى عطاها
لكن اهم شى عزة نفسى!

_________________

يكفي اكون بقلبك اذا غبت
ويكفيني تذكر اسمي في غيابي
طيفك معي مايغيب لو نمت ألقاه
بأجمل الاحلام ينسيني اكتئابي
(ر هـ ف ) حروف اسمي مثل ما شفت
سهله تحفظها وحلوه تذكرها بغيابي..
________________________

نفسي عزيزه وافهم العلم لاهنـت

الـذل مايـوم ٍ بعمـري تبعـتـه

رفضت غيرك وانت بالحب مالنت

ياقرد حظي يوم غيرك رفضتـه

واذا الغلا يرجع على معرفة نت

انسى الذي بينـي وبينـك كتبتـه
_______________________

وفر كلامك ورني عرض الاكتاف
قلبي كره شوفك ولا هو بمجبور...
تضحك على عقلي بكلمات لطاف...
تحسب اني بالحكي راسي يدور
ولا تحسب اني من الهجر بخاف ...
اخذ حبك وقلبك ومشكور...
__________________

تك تجي وتشوف حالي بلى اياك
ياصاحبي والله انك غناتي
ادمنت انا حبك ودي بلقياك
ودي اشوف اللي ملك حياتي
يا(...) انت روح قلبي وذكراك
بتكون في قلبي حتى المماتي
يا(....) انا روحي اليوم تنخاك
بوصيك انا روحي واحفض وصاتي
_______________________


الى متى نرسل وانتم تردون
ليش ماترسل وحنا اللي نرد
انت غبت وغيبتك عني جنون
ياولد ليه ليه التغلي ياولد
التغلي مايصير ولايصير ولايكون
ممكن تسجل الوصل يمي وعد
وتبدل الحزن والهم وتحرك سكون
وتخلي ايامي فرح ومرح وسعد

________________________

لاتظن البعد ينسيني هواك
لو تطول أيامي وهمومي تزيد
لاتظن البعد ياخذ من غلاك
ولاتظن اعشق وادور من جديد
مااتغير مادام لي قلب معاك
مخلص لحبك وغيرك مايريد
يذكرك مشتاق ولامره نساك

_________________________


أبطيت وكل المشاعر عنك ساترها
وإنته تبختر وتاخذني على هونك
واليوم جتك المشاعر هي وشاعرها
متقاسمين الوجل وشلون يرضونك
لاتمسح الصورة اللي عنك خابرها
واصبح ضحيه لسؤ الفهم واطعونك


_______________________

أنا رفيق الجرح من صغر سني
والجرح له في داخلي الف عنوان
ياسيدي هم البشر صارو مني
وصبحت أنا تمثال لهموم الأنسان
كل الوجيه تشابهت حد ظني
ماعدت أميز بين صادق وخوان
ياصاحبي لاتنشد الجرح عني
كل السوالف كذب صمت وحرمان
____________________________

أحبك عدد طلات القمر
أحبك عدد حبات المطر
أحبك عدد ليال السحر
أحبك عدد أوراق الشجر
أحبك عدد أيام الدهر
أحبك عدد أسماك البحر
أحبك عدد أنفاس البشر
أحبك عدد شعرات الوبر
أحبك عدد غمزات النظر
(( أحبـــــــــــــــك ))
----------------------------------------
ياللي سكنت أجمل زوايا كياني...
.ياماعلى نفسي لجلكـ تحاملت.....
مرات.. أحس انك معي شخص ثاني...
ومره.. أحس انك حبيبي ولازلــــــت...
عشان عشرتنا الطويله وعشاني..
حاول تشيل من الوفا ربع ماشلــــــــت...
----------------------------------------
(أياكم)
تمنيت السعادة بدنياي
وشفت السعادة تبتعد ماتبيني
(أشكي)
لربي خالق الخلق شكواي
عساه يسعد مابقى من سنيني
(أخفي)
عن الجلاس همي وبلواي
وأضحك ودمعتي وسط عيني
----------------------------------------
أبي أكتب قصيدة حب
أبي جزلة معانيها أريدك بين هالعالم
تفاخر يوم تقراها
ابيك لحرفها تطرب
أبي غيرك يغنيها
أبي لامن سألك انسان
من الي فيك سواها
تقول اللي سكن قلبي وروحه لي مهديها
----------------------------------------
لاضاقت الدنيا علي قلت
وينك..؟
ياللي تسلي وحشتي
كل ماضيق
ان كان إنعقد حبل
الوصل في يمينك..
من يسقي الضامي وهو
ناشف الريق..
عذرك معك وإن شنت
الشين مايشينك..
وإن زنت فإنت الزين من
دون تعليق..
----------------------------------------
أتعبت قلبي من جفاك وتغليك
وتاهت بي الشرهه ولا أحد ذكرها
المشكله قلبي حلف مايخليك
ومدري متى ظروفك توقف ضررها
قلبي وعقلي والمشاعر تباريك
وروحي هوت روحك وحبك سحرها
الذنب ذنب الحب
ماهو خطا فيك هذا خطا
نفسي وهذا قدرها
----------------------------------------
اسألك بالله وش مـعـنى الـصـمـود
............لاغـدى (مـاي الـبـحر) جـمر بيدي
واسألك بالله وش مـعـنى الـصدود
...........لاغـدى مـوتي يـساوي مـولـدي
----------------------------------------
جيت أبنساك من بعد الفراق
نازعتني فيك الأشواق
حاولت النسيان
ولقيت نفسي
أشتاق وأشتاق
حاولت واشتقت ثم حاولت واشتقت
حاولت ونسيت
انا فعلا نسيت أهلي ..نسيت ربعي
لكن
نسيـــــت أنسـاك

----------------------------------------
كيف أصبروأتصبرفي غياب أغلى الحبايب
وكيف أداري دمعتي وحسرةالروح وقهرها
آه يانفسي وياجرحي ويادنيا الغرايب
جمعتي لي سحاب الهم لين أغرقني مطرها
ياحبيبي ياحياتي يابعد كل القرايب
لاتخليني وترحل ياعيوني ويانظرها
----------------------------------------
خذني جريح شعور يعشق وصالك ...
ينزف جروح العشق وايامه شهود ...
خذني غريق أحلام عانق خيالك ...
يرجي سحاب ايديك والشوق موجود ..
خذني بقايا إنسان كلي حلالك
وأسكن عروق القلب والعشق موجود
__
NOOR ELHOODA
15-12-2005, 03:57 AM
واااااااااااااااو

وش ذا

روووووووووووووعه

تسلمين حبيبتي


وربي مسجات غايه الرووعه


الله لا يحرمنا من تواصلك

ودمتي بكل الحب
البريئة
15-12-2005, 05:25 AM
دموووووووووعـــــــه


تسلمييييييييييين


على المسجاااااااااات الرااااااائعه

بروعة حظوووووورك


واسمحي لي انا اخذت منهم



مشكووووووووووووره ربي يحفظك
دموع فلسطين
16-12-2005, 11:03 PM
نور الهدى

الرووعة هو مرورك وتواصلك الراائع

يسلمووووو يا الغالية

تقبلي تحياتي القلبية
دموع فلسطين
16-12-2005, 11:07 PM
البريئة

مشكوورة يا الغاليه على المرور العذب

اقولك خديهم كلهم حبيبتي تستاهلين والله

تقبلي تحياتي القلبية
دينا احمد
17-12-2005, 03:57 AM
يستطيع الانسان ان ينسى نفسه لكن لا يستطيع
ان ينسى نفسأ سكنت فى نفسه 0
حقيقى مسجات روعة جدا د موع فلسطين
مشكوووووووووووووووووووووووووووووووووووووووووو رة
دموع فلسطين
17-12-2005, 04:12 AM
دينا احمد

انا سعيدة بتواجك في صفحاتي

والروعة هو تواصلك الاكثر من راائع

تسلمين يا الغالية

تقبلي تحياتي الخالصة
دينا احمد
17-12-2005, 04:19 AM
شكرااااا ليكى دموع
دموع فلسطين
17-12-2005, 05:32 AM
العفو يا حبيبة البي

تستاهلين كل خير والله